“МИНИЙ ИРЭЭДҮЙ МИНИЙ ГАРТ” төгсөгчдийг бэлтгэх хөтөлбөрийн 6-р ээлжийн бүртгэл  эхэллээ.

             Бид удирдах шатны чадварлаг боловсон хүчнээ их дээд сургуулиудын залуу төгсөгч нараас сонгон  “Төгсөгчдийг Бэлтгэх Хөтөлбөр”-өөр шалгаруулж авдаг. Хөтөлбөрийн оролцогч нар дэлгүүрийн касс бичихээс эхлээд удирдах шатны менежер хүртэлх бүхий л ажлуудыг өндөр стандартын төвшинд гүйцэтгэж суралцахаас гадна худалдааны бизнесийг том зургаар нь болон үйл ажиллагааны төвшинд хослуулан ойлгож, шийдвэр гаргах чадвар эзэмшдэг. Мөн цаашид компанидаа карьераа амжилттай босгож, өсөн дэвжихэд шаардагдах манлайлал, багийн ажиллагаа зэрэг олон практик чадваруудыг бид сургадаг. 

Бид дараах чиглэлээр боловсон хүчнээ бэлтгэж байна.

1. Бүсийн менежер
2. Бүсийн менежер /Баруун бүсийн аймаг, Говийн бүсийн аймаг, Хойд бүсийн аймаг/
3. Логистикийн менежер
4. Дата шинжээч
5. Программ хөгжүүлэгч
6. Тэлэлтийн менежер /Үл хөдлөх хөрөнгийн менежер/

Хамрах хүрээ: Их дээд сургуулиудын төгсөгчид болон 2023 оны өвлийн төгсөгчид оролцох боломжтой.

Дэлгэрэнгүй мэдээллийг:      +976 75756062, Careers.minii.mn

Анкетийг зөвхөн Careers.minii.mn сайтаар хүлээн авахыг анхаарна уу.

 Монхангай группийн охин компаниудын нэг болох Миний дэлгүүр ХХК нь Монголдоо анхдагч Дискаунтер форматыг бизнестээ нэвтрүүлэн шинэ менежментээр ажиллаж байна. Миний дэлгүүрийн хамт олон нь байгууллагын үнэт зүйл болох ажилтнууддаа өрсөлдөхүйц цалин урамшуулал олгож, ая тухтай ажлын орчин нөхцөлөөр хангаж, эерэг хандлага, бүтээлч эрмэлзэл, мэдлэг, чадварыг дээшлүүлэх байнгын сургалт, арга хэмжээнд оролцох боломжоор ханган, өсөж дэвших бодлогыг эрхэмлэн ажилладаг Монгол улсын худалдааны  салбарын манлайлагч компаниудын нэг билээ.