КоллПро
102 дагагчтай
Компанийн тухай
Бид харилцагчиддаа сайн сонсогч, мэргэжлийн зөвлөгч нь байж, хамтран ажиллагсдадаа амжилтаа хуваалцах эрхэм хамтрагч анд нөхөд нь байж, өөрсдөдөө тасралтгүй хөгжих боломжийг эрэлхийлэгч нь байж бүх зүйлд хүндэтгэлтэй хандан ажиллахыг мөрдлөг болгон ажилладаг хамт олон билээ. Харилцаа холбоо, мэдээллийн технологийн салбартаа шинийг бүтээж хамтдаа өсөн дэвжих, суралцах чин эрмэлзэлтэй, эрч хүчтэй, хөгжилтэй таныг урьж байна.
Бид хэн бэ? Хөгжүүлэгч, инженер, борлуулалт, санхүү, маркетинг, бүтээгдэхүүн хөгжүүлэлт, дуудлагын төв гэх мэт олон төрлийн мэргэжил эзэмшсэн, олон төрлийн сонирхол, зорилготой хүмүүсээс хамт олон бүрдсэн. Найзууд мэт нөхөрсөг харилцаатай байхын сацуу ажилдаа ч хариуцлагатай хандацгаадаг. Харилцаа холбоо, мэдээллийн технологийн салбарт хамтдаа өсөн дэвжих, суралцах чин эрмэлзэлтэй, эрч хүчтэй, хөгжилтэй залуус бий. КоллПро ХХК - ийн соёл Ажлын байранд ихэнх хүмүүс гэр бүлдээ, найз нөхдөдөө зарцуулдгаас ч их цагийг өнгөрүүлдэг. Тиймдээ ч ажиллах орчны тав тух, шахалт дарамтаас зайлсхийдэг. Хавтгай төрлийн засаглалтай учраас санал хүсэлтээ илэрхийлэхэд нээлттэй.
Бид хэрэглэгчдэд датанд суурилсан шийдвэр гаргахад нь туслах үүлэн технологид суурилсан харилцаа холбооны шийдлийг нийлүүлэгч байхаар алсын хараандаа тусгасан ба харилцаа холбооны салбарт шинэ технологи, үйлчилгээг нэвтрүүлж, харилцаа холбооны цогц үйлчилгээ үзүүлдэг дэлхийн компани болохоор зорин ажиллаж байна.
Бид ажилтнуудынхаа ажлын уур амьсгал, сэтгэл ханамжийг чухалчилдаг. Хэтийн зорилго нь технологио гадны олон орнуудад нэвтрүүлэх бөгөөд өдгөө CallPro US Inc болон КоллПро Киргиз ОсОО-г үүсгэн байгуулж хилийн чандад үйлчилгээгээ нэвтрүүлж эхлээд байна.