БиДиСЕК ҮЦК хувьцаат компанийн үйл ажиллагаа Монгол Улсад Хөрөнгийн Зах Зээл үүссэн 1991 онд эхэлсэн бөгөөд өнөөг хүртэл нийт 190 гаруй мянган харилцагчидтайгаар үйл ажиллагаа явуулж байна. Бид Монголын Хөрөнгийн Зах Зээл дээр Андеррайтер, Брокер, Дилер, Хөрөнгө оруулалтын зөвлөхийн үйлчилгээг гадаад дотоодын харилцагчид, түнш байгууллагууддаа цогцоор нь чанарын өндөр түвшинд үзүүлж урт хугацааны итгэлтэй түншлэлийн харилцааг эрхэмлэн ажиллаж ирсний үр дүнд дотоодын хөрөнгийн зах зээлийн тэргүүлэгч компани болж чадсан. Мөн Монгол Улсын эдийн засаг, салбаруудын хөгжил дэвшилд багагүй хувь нэмэр оруулсаар ирсэн ба Андеррайтерийн үйлчилгээгээрээ дамжуулан металлургын салбарт анхны төмрийн үйлдвэр, аялал жуулчлалын салбарт томоохон цогцолбор, нүүрс боловсруулах салбарт хагас коксын үйлдвэр, хаягдал тос боловсруулах үйлдвэр, уул уурхайн салбарт нүүрсний уурхай, мал аж ахуйн салбарт боловсруулах үйлдвэрийн санхүүжилт, дэд бүтэц, тээврийн салбарт ачаа шилжүүлэн ачих терминалын санхүүжилт зэрэг олон чухал төслийн хөрөнгө оруулалтыг хөрөнгийн зах зээлээс босгосон. 2008 оноос эхлэн ТУЗ-ийн гишүүнээр АНУ, Их Британ, Япон улсын олон улсад нэр хүндтэй томоохон компаниудын удирдлага, хөрөнгө оруулагчдын төлөөлөгчид сонгогдсон бөгөөд энэ онд нийт 5 хараат бус гишүүнтэйгээр компанийн засаглалын зохистой харьцааг хэрэгжүүлэн ажиллаж байна.