Өргөө амаржих газрын буурал түүхийн шаргал хуудсанд нэрээ мөнхлөн үлдээж эх үрсийн эрүүл мэндийг хамгаалах нэр төртэй үйлсэд хүч хөдөлмөрөө зориулсан үе үеийн алтан гартай, алдар хүндтэй эмч нар, эх баригч, сувилагч, асрагч, эмнэлгийн нийт ажилтнууддаа болон энэ буянтай сайхан ууган амаржих газарт анхны дуугаа хадааж мэндэлсэн нийт монголчууддаа таны унасан газар, угаасан ус, эх хүйн холбоотой төрөлх Нийслэлийн Өргөө амаржих газрын тань түүхэнзамналыгтолилуулъя. Монгол Улсын нийт хүн амын 8 хүн тутмын нэг, Нийслэл Улаанбаатар хотын 3 хүн тутмын нэг нь 1-р амаржих газар мэндэлсэн нь манай эмч бурхад, хүйн ээж нарын нөр хичээнгүй хөдөлмөрийн ач буян билээ. Тус амаржих газраас: 1. 1960 онд Нийслэлийн 2-р амаржих газар 2. 1962 онд Цацраг туяа эмнэлэг 3. 1966 онд 3-р амаржих газар 4. 1987 онд Эх Хүүхдийн Эрүүл Мэндийн Төв, ЭНЭШ-ний хүрээлэн салбарлан байгуулагдсан юм. Энэ бүгдээс үзэхэд Нийслэлийн төрөх, эмэгтэйчүүдийн томоохон эмнэлгийн байгууллагууд тус ууган амаржих газраас салбарлан байгуулагдсан байдаг. Амаржих газрын шинэ өргөтгөлийг 2011 – 2012 онд Цаст констракшин ХХК барьж 2013 онд 150 ортой орчин үеийн техник тоног төхөөрөмж бүхий өргөтгөлийг хүлээлгэн өгсөн. 2013 оны 06-р сарын 15 наас шинэ өргөтгөл ашиглалтанд орж шинэ бүтэц зохион байгуулалттайгаар эхчүүд, эмэгтэйчүүддээ эмчилгээ үйлчилгээ үзүүлж ажиллаж байна. 2013 оны 06 сарын 22 ны өдөр Клиникийн нэгдүгээр амаржих газрыг Монгол Улсын Хөдөлмөрийн Баатар, Ардын эмч Б.Жавын нэрэмжит болсон юм. Тус өргөтгөл нь хүчилтөрөгчийн нэгдсэн системтэй, цахилгааны саатал гарсан тохиолдолд гурван секундын дотор тогоор хангах дизель цахилгаан үүсгүүртэй, тусгай хоол зөөдөг, зорчигчын гэх хоёр төрлийн лифттэй зэрэг олон давуу талтай эмнэлэг юм. Манай Өргөө амаржих газар нь үйл ажиллагаа, чанартай үйлчилгээ, мэргэжлийн тусламжийн чанар, багаар ажиллах чадвар, олон нийтийн оролцоо, сургалт сурталчилгааны үйл ажиллагаагаараа үнэлэгддэг юм. Нийслэлийн эрүүл мэндийн газрын 2014 оны 9-р сарын 22-ны А/97 тоот тушаалаар Нийслэлийн Өргөө амаржих газар болон нэршил өөрчлөгдсөн. Нийслэлийн Эрүүл мэндийн газрын даргын 2015 оны 07 дугаар сарын 17-ны А/70 тоот тушаалын дагуу Нийслэлийн өргөө амаржих газрын даргын 2015 оны 07 дугаар сарын 31-ны А/54 тоот тушаалаар Эмгэг нярайн тасгийг 23 ортойгоор 2015 оны 08 дугаар сарын 01-нээс нээн ажиллуулсан. 2018 оны 06-р сарын 01-ний өдөр Нийслэлийн Өргөө амаржих газрын 90 жилийн ойн баярыг тохиолдуулан Монгол Улсын Ерөнхийлөгчийн зарлигаар "ХӨДӨЛМӨРИЙН ГАВЪЯАНЫ УЛААН ТУГ"-ийн одонгоор шагнав. 2018 оны 06-р сарын 01-ний өдөр Нийслэлийн Өргөө амаржих газрын 90 жилийн ойн баярыг тохиолдуулан Нийслэлийн дээд шагнал "ХАНГАРДИ" одонгоор шагнав. Одоогоор манай Өргөө амаржих газар төрөлжсөн мэргэшлийн эмнэлэг нь дараах бүрэлдэхүүн хэсэгтэй үйл ажиллагаагаа явуулж байна.  Захиргаа хүний нөөцийн алба  Төрөх төрсний дараах хэсэг  Нэгдсэн мэс засал мэдээгүйжүүлэг эрчимт эмчилгээний тасаг  Эмэгтэйчүүдийн тасаг  Эрүү мэндийг дэмжих тасаг  Нэгдсэн хүлээн авах яаралтай тусламжийн тасаг  Эрсдэлтэй жирэмсний тусламжийн тасаг  Нярайн тасаг  Сэргээн засах уламжлалт эмчилгээний тасгийн гэсэн бүтэц зохион байгуулалттай нийт 487 эмч, эмнэлгийн ажилтантай үйл ажиллагаагаа явуулж байна.