"Яаралтай зүйлс нь үргэлж чухал байдаггүй. Харин чухал зүйлс нь ихэвчлэн яаралтай биш байдаг." АНУ-ын 34 дэх Ерөнхийлөгч Дуайт Эйзенхауэр.
Таны анхны ажил — шинэ хамт олон, шинэ ажлын хариуцлага, шинэ орчин...
Бүх зүйл нэг дор давхцаж, хаанаас нь эхлэхээ мэдэхгүй будилж байна уу? Тэгвэл танд бүтээмжээ нэмэгдүүлэхэд Эйзенхауэрын Матриц туслалцаа болно.
Эйзенхауэрын Матриц Гэж Юу Вэ?
Эйзенхауэрын Матриц танд яг юу чухал, юу яаралтай биш болохыг ялгах тодорхой харагдац өгнө. Энэ бол дөнгөж ажилд орж буй залуусын анхны productivity toolkit байж чадна.
Энэхүү аргачлал нь таны хийх ажлыг дараах 4 ангилалд хувааж өгдөг:
I ХЭСЭГ: Яаралтай бөгөөд Чухал — Нэн даруй хий
- Өнөөдөр 14:00 цагаас өмнө бэлдэх ёстой тайлан
- Удирдлагаас ирсэн шуурхай үүрэг
- Ажлын анхны сургалтын багцын шалгалт
II ХЭСЭГ: Яаралтай биш ч Чухал — Төлөвлөж хий
- Ажлын ур чадвараа дээшлүүлэх онлайн курс
- Байгууллагын соёлд дасан зохицох зорилгоор хамт олонтой цаг гаргах
- Сарын зорилгоо тодорхойлох, карьерын чиглэлээ төлөвлөх
III ХЭСЭГ: Яаралтай ч Чухал биш — Шүүлтүүртэй харьц
- Имэйлд даруй хариу өгөх гэхдээ чухал биш захидал
- Бусдын тулгамдсан ажлыг хэт их оролцож хийж эхлэх
- Санамсаргүй хурлууд (асууж лавлахад хангалттай зүйл)
IV ХЭСЭГ: Яаралтай биш, Чухал ч биш — Цаг бүү үр
- Ажлын цагаар сошиал медиа хэрэглээ
- Албан ёсны бус чатанд хэт их хугацаа зарцуулах
- Өдрийн цагаар Netflix, YouTube
Шинэ Ажилтанд Яагаад Энэ Матриц Шаардлагатай вэ?
- Анхаарлаа зөв хуваарилах
- Удаан хугацааны карьер төлөвлөлт хийх боломж
- Ажлын бүтээмж эртнээс суулгах
- Яаралтай биш ч ирээдүйд нөлөөлөх алхмуудыг мартахгүй байх
Хэрхэн хэрэглэх вэ?
- II хэсгийг цаг гарган хийгээрэй: Өдөр бүр 1–2 цаг стратеги, хөгжлийн ажилд зориулах.
- Өнгөөр ялга: Улаан = яаралтай, Ногоон = чухал гэх мэт.
- Долоо хоног бүр эргэн харах: Аль хэсэгт ямар ажил орж байгааг эргэцүүлэн дүгнэх.
- Өглөөг матрицаар эхлүүл: Ажлын эхэнд бүх даалгавраа ангилан байршуул.
Шинэ ажил гэдэг бол зүгээр нэг ажлын эхлэл биш — өөрийгөө тодорхойлох боломжийн эхлэл юм. Эйзенхауэрын Матриц таныг яаралтай зүйлсэд төөрөлгүй, чухал зүйлсэд төвлөрөх чадвартай нэгэн болгон төлөвшүүлнэ.
Хэрвээ та энэхүү аргыг туршихыг хүсвэл бидний бэлдсэн Тэмплэйтийг ЭНД дарж татна уу.
.png)