“Буруу Үгүй” төслийн хүрээнд Mongolia Talent Network-тай хамтарч Гэр бүлд ээлтэй бодлого хэрэгжүүлдэг компаниудыг танилцуулж байгаа ба энэ удаад НҮБ-ын Хүүхдийн Сангийн хэрэгжүүлж буй гэр бүлд ээлтэй бодлого, үйл ажиллагааг онцолж байна.
Гэр бүлд ээлтэй ажлын байр – НҮБ-ын Хүүхдийн Сан
Доорх ихэнх хөнгөлөлтүүд, уяан хатан зохицуулалтууд нь ихэнх гэр бүлд ээлтэй бодлогууд нь Монгол Улс дахь НҮБ-ын төрөлжсөн байгууллагуудад хамаарах бөгөөд дотооддоо түр хугацааны, гэрээт, зөвлөх г.м албан тушаал үл харгалзаад, хүн бүрт үйлчилдэг юм гэнэ шүү.
Уян хатан ажиллах боломжууд
Зайнаас ажиллах боломж:
✔ Уян хатан ажлын цаг – Үүнд ажилдаа ирсэн цагаас эхэлж тарах цагаа тогтоох боломжтой
✔ Хот дотор гэрээс ажиллах боломж. Хотын бүсэд багтаж буй тохиолдолд өөрийн удирдлагатай тохироод, өвлийн үед, цаг үеийн онцлогоос хамааран гэрээс ажиллах зохицуулалт.
✔ Хотоос гадна болон гадаадаас ажиллах боломжтой /90 хүртэлх хугацаагаар/
✔ Богиносгосон ажлын цаг. Ж.нь хагас цагаар ажиллах.
✔ Ажил үүргээ хуваалцах, ажлын байр солих. Ажлын ачааллаас үүдэж өөрийн ажил эсвэл бусдын ажлыг хуваалцах зохицуулалт.
Ажилтан болон түүний гэр бүлд зориулсан тэтгэмж, тусламжууд
Цалинтай чөлөө
✔ Жирэмсний болон амаржсаны цалинтай амралт / 6,5 сар/
-
👉 Хөхүүл ээжид (хүүхдийг 2 нас хүртэл) хүүхэд хөхүүлэх завсарлага – 2 цаг. Үүнд цайны цаг багтаагүй болно.
-
👉 Хөхүүл ээж (2 нас хүртэлх хүүхдийг) томилолтод авч явахад нэмэлт мөнгөн олговор (10% хүртэлх хувийн)
✔ Аавуудад олгох цалинтай амралт /4 сар/
✔ Эцэг эхчүүдэд олгох цалинтай чөлөө /7 хоног/
✔ Яаралтай буюу зайлшгүй тохиолдолд авах чөлөө /14 хоног/
Цалингүй чөлөө болон тухайн чөлөөтэй хугацаанд ажлын байр хадгалагдах нөхцөлтэй
✔ Хүүхэд асрах чөлөө – 48 сар хүртэлх
✔ Гэр бүлийн гишүүдийг асрах чөлөө- 36 сар хүртэлх
✔ Сургуульд сурах чөлөө – 24 сар хүртэлх
Бусад хангамж, тэтгэмж, хөнгөлөлтүүд
💸 Хүүхдийн мөнгөн тэтгэмж /130,000 олговор/ нөхцөл нь улсаас олгох тэтгэмжтэй давхцахгүй байх шаардлагаттай
🩺 Ажилтан болон гэр бүлийн гишүүн бүрт эрүүл мэндийн даатгал, үзлэг
😷 Ажилтан урт удаан хугацаагаар өвчний улмаас чөлөө авахад 9 хүртэлх сарын бүтэн цалинтай чөлөө түүнээс цааш 9 хүртэлх сарын хагас цалинтай чөлөө
💵 Хүүхдийн болон өөрийн сургалтын төлбөрт зориулж цалингийн урьдчилгаа хүүгүйгээр авч 12 сарын хугацаанд эргэн төлөх боломж
🍃 Өвлийн улирал агаарын бохирдол хамгийн дээд цэгт хүрдэг тул ажилтан болон тэдний гэр бүлийн хэрэгцээнд агаар цэвэршүүлэгч олгодог. Түүнчлэн олон хүүхэдтэй айл өрхөд агаар цэвэршүүлэгчийн тоо нэмэгддэг.
👩⚕️ Сэтгэл зүйн зөвлөгөө өгөх зорилгоор бүс бүрд Зөвлөх ажилтан бүтэн цагаар ажилладаг.
😌 Хөл амраагчийг ажилтан бүрд олгохоор зохицуулагдсан
🍃 Агаарын бохирдол хэмжигч, агаар цэвэршүүлэгчийг өрөө бүрд байршуулсан
Гэр бүлд ээлтэй бодлого гэж юу болох, хэрхэн ажил хэрэг болгож, үр дүнг үнэлэх тухай дэлгэрэнгүй мэдээлэл авахыг хүсвэл НҮБ-ын Хүүхдийн Сангаас гаргасан дараах гарын авлагуудтай танилцана уу:
.png)