Таймбоксинг гэж юу вэ?
Timeboxing буюу цаг хуваарилах арга нь таны бүтээмжийг нэмэгдүүлж, ажлыг хойшлуулах зуршлаас сэргийлэхэд тусална. Та timebox тогтоосноор өөртөө тодорхой хугацаанд тухайн үүргийг гүйцэтгэх амлалт өгдөг. Энэ нь анхаарлаа төвлөрүүлж, саад болох зүйлсийг багасгах боломжийг олгодог.
Timeboxing -ийг өдөр тутмын үүргүүдээ төлөвлөх, багийн ажилд эмх цэгц оруулах, хурлыг илүү үр дүнтэй явуулах зэрэгт ашиглаж болно. Хэрэв та хатуу буюу хугацаа хэтрэхгүй байх шаардлагатай, эсвэл зөөлөн буюу бага зэрэг уян хатан хугацаатай timebox тохируулах эсэхээ эхлээд шийдэх нь чухал юм.
Таймбоксинг яагаад үр дүнтэй байдаг вэ?
- Хойш тавилтыг ялдаг:
Богино хугацаанд хийх болохоор эхлэхэд амархан болдог.
- Төгс төгөлдөрт хүрэх хэт тэмүүллийг дардаг:
Цаг нь дуусахаас өмнө төгс болгох боломжгүй тул илүү бодитой ханддаг.
- Анхаарал, бүтээмжийг нэмэгдүүлдэг:
Эхлэх, дуусах хугацаа тодорхой тул тархи бүх анхаарлаа төвлөрүүлдэг.
- Ажлын дараах амралтыг чөлөөтэй эдлэх боломж өгдөг:
Цаг дуусмагц зогсож болох тул гэмших шаардлагагүй.
- Өдрийн төлөвлөгөөг харагдахуйц болгож өгдөг:
Яг одоо юу хийхээ мэдэхгүй суух биш — таны хуваарь бүхнийг тодорхойлсон байна.
Таймбоксингийг хэрхэн үр дүнтэй хэрэглэх вэ?
1-р алхам: Ажлуудаа жагсаа - Өнөөдөр хийх ёстой бүх ажлаа бичнэ үү.
2-р алхам: Ажлуудад тохирох хугацаа оноо - Бодитой байгаарай — бүх ажил олон цаг шаарддаггүй. Зарим нь ердөө 15–30 минут л хэрэгтэй.
3-р алхам: Таймбоксоо зохион байгуул - Календарь эсвэл төлөвлөгч дээрээ тодорхой цагт тодорхой ажлуудыг төлөвлө.
4-р алхам: Цаг баримтал - Таймбокс дуусмагц дараагийн ажлаа эхлэ. 100% дуусаагүй байсан ч гэсэн.
5-р алхам: Дүгнэлт хийж, сайжруул - Өдрийн төгсгөлд өөрөөсөө асуугаарай:
Таймбоксингийн мастер болох зөвлөмжүүд
- Завсарлагыг ч таймбокс хий: Бүтээмж бол өдөржин зүтгэх биш, ухаалгаар амрах явдал юм.
- Таймер ашигла: Помодоро апп, утасны сэрүүлэг, эсвэл энгийн сэрүүлэг ашигла.
- Энергийн түвшинг дага: Хамгийн их эрч хүчтэй байх үедээ чухал ажлаа хий.
- Завсар хооронд хугацаа үлдээ: Зарим ажил уртасна — асуудалгүй.
- Таймбокс бүрийг тэмдэглэж, баярла: Ажлаа 100% дуусгах биш, өөртөө амласан цагтаа ажилласан нь ялалт юм.
Хэрэв та цагаа удирдахгүй бол цаг тань таныг удирдана.
Таймбоксинг бол илүү их ажил амжуулах тухай биш — харин хүчирхэг хэмнэл бий болгох тухай юм.
Таймбоксинг ашиглахаар болсон бол та бидний бэлтгэсэн загварыг ашиглаж үзээрэй. Загварыг ЭНД дарж, татан аваарай.
.png)